خواتي العزيزات حبيت اكتب كل التجارب في امور مختلفة و نفعت معاي فحبيت الكل يستفيد
تجارب تجميلية:
اثناء الحمل من بدايته كنت افرك بطني بزيت الاطفال و ما طلعتلي اي تشققات.
زيت الحشيشة الخضراء اللي يسوون عنه اعلان في مجلة الصحة و الطب اللي في جريدة الخليج من كنوز الطبيعة فعلا مع الاستخدام يطول الشعر.
تجارب مع الصديقات:يا بنات ترا الصاحب ساحب و كثير من البنات اللي كنت اعتبرهن صديقاتي طلعو بنات ما يستاهلن ةحده سرقتني و الثانية يلستها كلها غيبة و اللي راعية شباب و رغم استمرار العلاقة 4 سنوات خلال الحياة الجامعية و منهم بعد الجامعة الا اني اتخذت قرار الابتعاااد و فعلا الحين مرتاحة جدا .
تجربه:الصمت رائع في كثير من الحالات.
تجارب مع الزوج:
لا تشلين بخاطرج اي شي على زوجج طلعي اللي في خاطرج اول باول و قوليله شو الشي اللي سواه و ضايقج عسب ما تتراكم المشاكل و عقب يصعب حلها.
تجارب مع اهل الزوج:
خليج محايدة لا تتعمقين وايد في العلاقة و لا تقولين كل شي احترميهم حبيهم قدريهم لكن الحدود مطلوبة
تجارب مع الام:الام لو تطلع عينج في النهاية هذي امج الزمي السكوت و استحملي تراها ياما اتحملتج و انتي صغيرة و للحين تشيل همج
تجارب مع العيال:حاولي تتحكمين بأعصابج قدر المستطاع
و ختامها مسك: علاقتج مع ربج اعبدي ربج كأنج تشوفينه و اذا ما شفتيه ترا ربج يشوفج
سبحانك اللهم و بحمدك اشهد ان لا اله الا انت استغفرك و اتوب اليك
