التصنيف: السفر والسياحة

الطيارة الي سافرتي عليها وعجبتك

طبعا من ناحية المواعيد المظبوطة
الخدمة
الضيافة راحة الكر سي
انا احسن خطوط جربتها الاتحادددددددددددددد مميزة في كل شي
بعدها البريطانية
واتمنى اجرب كاثي باسفيك يقولون احسن خطوط في العالم

مرحبا بنات شحالكن ان شاء الله تمام ..

بعد طول عناء ومجهود وووموافقة زوجي الله يحفظه ويخليه ..

قررنا نروح هاذي الاماكن ..

باريس4 زيلامسي5 ميونخ6

لان اول مرة نروح ابى اعرف وين تقترحون نسكن طبعا فنادق لان زوجي رافض فكرة الشقق من ناحية الامان ..

ابى فنادق نظيفه واسعارها معقوله …

وبالنسبه لتوزيع الايام اتشوفونه مناسب ؟؟؟

السلام عليكم ورحمة الله وبركاته…

بنات شو رايكم في منتجع المها في راس الخيمه…

حلو؟؟؟…تصنيف الفندق من حيث عدد النجوم؟؟ و أشياء ثانية؟؟!!

حطوا رايكم عشان نستفيد كلنا

هلا بخبيرات أوروبا إن شاء تحدد سفرنا بتاريخ 3/4/2017 إلى ميونيخ بس للحين ما سوينا تأشيرة شنغن قالوا لي إن الإجراءات المطلوبه تغيرت حد يقول يطلبون آخر كشف حساب وحد يقول يطلبون رسالة من جهة العمل إنه الزوج بيطلع إجازة مع عائلته إتصلت بكذا قنصلية استفسر بس للأسف محد رد على التلفون
ياريت اللي تعرف تخبرني بالإجراءات اليديدة وأحسن سفارة أروبية لتخليص الفيزا بأقل مدة لأن زوجي يبا يروحلهم باجر وبغيت بعد عرف كم سعر التأشيرة وهل هو واحد بالنسبة للبالغ والأطفال

السلام عليكم ورحمة الله وبركاته،،،،،،،

انا حجزت ففندق ميركري في اجازة العيد لمدة يومين ……فبغيت اسال شو رايكم فيه انا قبل سنتين سرته وكان اوكي بس هالمرة خيفانة يكون تغير …لاني من كم اسبوع كنا حاجزين فندق اوشيانيك ووايد تضايقت منه لانه ما كان عالمستوى اللي سكنته فالمرة الاولى

فاخاف فندق ميركري نفس الشي فبغيت اسال فيه حد ساره من قريب ……نحن اخترناه لانه خاطرنا نسير العين من زمان وبعد لانه مكانه حلو وقريب من مبزرة

ممكن اعرف الاماكن الحلوة اللي ممكن نسيرها ؟؟؟؟؟؟؟؟

وممكن اعرف المطاعم الحلوة والرومانسية؟؟؟؟؟؟

وين البوادي مول عن جبل حفيت قريب والا بعيد؟؟؟؟؟

اشحالكم بنات

منو عنده فكره عن مدينة ايفران المغربيه بليز اتفيدني فيها

ومادري شو طقس عندهم الحين بليز ممكن مساعدتكم

السلام عليكم و رحمة الله و بركاته

سؤال دايم على بالي:

هل السياحة بمفهومها يعني السكن بفندق فخم أو التسوق في مراكز ضخمة؟

الصراحة السياحة اللي أعرفها هي: حدائق، غابات، سفاري، متاحف، مراكز علمية، قرى، مهرجانات شعبية، أكلات محلية … إلخ.

أما إني أسكن في الإجازة في شقة أو أتسوق الصراحة ما لها معنى سياحي بالمرة.

شو رايكم؟