الحمدلله أنا حامل في آخر الثامن وبعد أسبوع ان شاء الله بدخل التاسع
البيبي عندي في وضع مقعده والرأس فوق وحتى الريول فوق متخيلين الوضع؟
المهم سرت عند زينب الشنار وحاولت تجلبه بس ما يبا ينجلب وقالتلي واااايد نازل في الحوض والوضع صعب
المهم اليوم سرت عند رخاء وصورت البيبي قالت نفس الكلام وقالت اذا كانت ريوله تحت بينجلب بس لأنه ريوله فوق عند ويهه صعب جدا انه ينجلب
قلتلها شو أسوي قالت تصدقين أنا وااااااااايد ولدت حالات جيه وعادي ماصار عليهم شي
قالت بس الحين وااايد يكبرون السالفه
قالت انا مولده وحده كانت مربي قبل بعمليه ووزن البيبي 4 كيلو وولدتها طبيعي والبيبي رأسه فوق
المهم قبل كنت خلاص ما أفكر أربي طبيعي والبيبي في هذا الوضع
لكن الحين رديت أفكر … هزركم بيخلوني في المستشفى أربي طبيعي ؟
منو تعرف وحده ربت طبيعي وما صار لها شي ولا للبيبي؟
اللي عندها خبره فالموضوع تساعدني
