تجـربتي مع عملية التضــييق ^^ للصحة

السلام عليكم ورحمت الله

حبيت اشـاركم تجربتي ويا عملية التضيــق ..

((( الله يخليكم الموضوع حساس كتبته للفايده مابغي وحده اتيني وتكتب كلام يجرح

كل مره اسكت هالمره بــــــــــرد ولا بسكت ))

وفديت باجي الحريم الطيوبات لاتزعلون

اول شي وايـد بنات يعرفون انـي يلست احوس واحوس وادور على احسن دكتوره لهاذي العمليه بالسعر المعقول ,,

واللي بتسالني وبتقول ليـش تسوينها ارجع واقولكم اني مطلقه وعندي 3 اطفال ,, وزواجي قـريب ان شاء الله من شاب ماتزوج سابقـا
غير هالشي حسيت بخروج هواء من الرحم اثناء الصلاه وماقدر اتحكم بنفسي وقت اذا ضحكت وجي وهيك

واللي صار ياطويلين العمر
انا من سكان امارة راس الخيمه فـ كنت ادور دكتوره قريبه من المنطقه ,,
اول خطـوه رحت للدكتوره احلام استشاره وجي فـ قالت لي ماروم اسويها لج لانه عندج قـرحه فالرحم
وصايره كبيره لازم اشيلها وماشاورتني ولا شي !!

قالت بسويها لج الحين انا بصراحه حزنت لاني ابغي اسوي عملية التضويق قبل عقب قلت خلاص خيره بسويها وبتوكل على الله

طبعا سوت لي القرحه بالتبريد بس صدق الـم
وعطتني ادويه وغيره بس بصراحه هالدكتوره ماديه ماتشاورج وتسوي اللي تباه انزين يمكن انا ماعندي هالمبلغ !! ماعلينا

ويــوم كملت شهر تقريبا راجعت عندها قالت كل شي اوكي واثار القرحه خلاص اختفت

عاااد اختكم تبا تسوي عملية التضوويق عــــروس عرووس هههههههههههه

سالتها ابا عن العمليه وكم بتسوينها قالت لي بسويها فالشارجـه 10 الاف , والبنج كامل
وسالتني كيف تبين ضيجه وايد ولا شوي ومن هالامور

ظهرت وقلت ماشي مانع اشوف عيادات ثانيه

دورت على عياده ثانيه ورحت عيادة الزهراوي عند الدكتوره سوشيتا ,, هاي الدكتوره كرهتها

هبله وموووووول ماتستوعب ارمسها انقلش ماتفهم ارمسها عربي تقول معلوم معلوم اخر شي تقول شو تبين !! وهناك بعد برع فالرسبشن حرمه تزاعج مضاربه ويا الدكتوره مادري ليش !!

, سويت رسيرج مره ثانيه فالنت وسـرت هالمره عند الدكتوره نورميلا نسيت اسم العياده
ويوم خذت موعد وسرت لها قبل ماتفحصني قالت ماروم اسويها لج بطرشج مستشفى راك شي دكتوره فنانه تسوي هالعمليات .. حسيت انه الدكتوره الثانيه ربيعتها وهي تسـويلها دعايه
قلـت ماعليه بسـير

(( هلكت وانا ادور مايسوى علي هالعرس هههههه))

واليوم الثاني سرت مستشفى راك دخلت عند الدكتوره وفحصتني قالت بسويلج ياها ومن هالامور
بس الســعر 15000 درهم !!!!!!! يتني صدمه بلعت ريجي مب غايته بيزات ولاشي لا

بس قلت كيف جي كل حد يلعب فالاسعار !

وظهرت وفيني ام ويدت الاحباط بعد

قلت هالمره بجـرب عيادة الدكتوره كـرامه اسمها (عيادة الاخلاص )

خذت موعد وسـرت لها دكتوره محترمه اسلوب اخلاق احترام والله

قلت لها عن مشكلتي وفحصـتني وكل شي وسالتني كيف ابا واللي بتزوجه متزوج قبل ولا شاب
وقالت لي تبين تحسين انج من اول ويديد ومن هالسوالف

ارتحت لها محترمه عقب قالت بسويـها لج ب 4000 والبنـج موضعي وبعطيج تعليمات اتبعيها

تعبت بكمل بعد شــووي وبخبركم شو صــاار