تعبااانه نفسيتي مب قادره اتحمل لتربية طفلك

شحالكن بنات

اعرف الشكوى لغير الله مذله وانا متوكله على رب لعالمين واعرف امري كله بايد ربي بس عسى ربي يهديني وحده منكم وتعطيني حل بفضل ربي وبحكم تجربتها

الله يسلمكن بنات انا مالجه من شهر تقريبا وحالتي انا وريلي صارت صعبه وعيشتي معاه صارت اصعب من الخطبه ونحن مشاكل ولاسباااب جدا تافهه مشكلته هو عصبي واي كلمة بقولها يفسرها على راحته ومرات اطرش له اشيا ومحاضرات ما يكون قصدي شي بس يعتبرها انغز عليه او اقصده بشي معين وانا والله نيتي بس يسمع ويستفيد شرات ما انا سمعت واستفدت… وكل مره نطلع بسالفه يعني كل يوووم نضارب ومب مره ف اليوم عادي مرتين و3 صارت المشاكل وسوء الفهم مسيطر علينا .. كل ما احاول اتفاهم معاه بدل ما نحل المشكله يدخلني بمواضيع ثانيه ويزيد المشاكل ويبند … ويقولي انتي بتتغيرين لان ربعه معرسين ويقولون له الحرمة تتغير عقب العرس وهو مصدق كلامهم ويضاربني على هالاساس يعني قبل لا يصير الحدث هو يتضارب معايه … وغير جي وااايد سوالف ومواقف .. يعني هو لو جرحني بكلمة انا كنت اقوله باسلوب اني تضايجت من الكلمة بيقلب الموضوع ضرابه بدل ما يطيب خاطري ولما غيرت اسلوبي وقمت اكتم حتى لو يجرحني ما اقوله بعد ما شي فايدة مع انه يعرف اني مضايجة منه بس بعد … واذا زعلني وانا عسب مضايجة وزعلانه المفروض هو يتصل ويطيب في خاطري هو لا مب جي لازم يتصل ويتضارب معاي ليش ما اتصلت فيه يعني كله يبيني انا اتصل وسال عنه وهو ما بيعبرني ولما اتصل يطنش مكالماتي مب رايمه افهم هالانسان كيف !!! وشو يبي مني بالضبط وما في شي يعيبه … شو اقولكم وااايد مواقف ما اقدر اعددها من كثرتها باختصار صعب نتفاهم حاولت ارخي معاه لما يعصب اكلمه باسلوب حلو وحتى لو هو الغلطان اقوله انا غلطانه بس عسب اتخلص من المشااكل لاني ملييييت كله اصيح كله مضايجه وللاسف ما شي فايدة وعرسنا عقب 4 شهور شو هالحاله افكر عقب ما نعرس كيف بتكون حياااتنا هل بتم جي دوم يضاربني ودوم يظن ظن السوء فيني وكله على باله انغز عليه ؟؟؟؟؟؟؟؟!!!!!!

ابي الحل خواتي ومنو كانت تمر في الخطبة والملجة في مشاكل وكيف تغلبت عليهااااااا

سوري طولت عليكم وكلامي مش مرتب بس والله من ضيجي مش عارفه شو اكتب والي ما عندها حل او خبره في هالمواضيع رجاااااااااء تدعي لي دعوة صادقة من قلبها ربي يصلح زوجي ويسخره لي وتتحسن علاقتنا وتخف مشاكلنا