هلاا حبايبي شخبااركم ,,, هالموضوع الي بحطيه لكم هو عن وحده من ربيعااتي هي كتبته و طلبت مني احطه بالمدونة لعل و عسى تحصل على حل و قصتهاا كالتالي
انا كنت افكر ملييوون مره قبل لا احط هالموضوع و كنت كله متردده مابي احطه , بس اليوم يوم حسيت انا ما في حد يسمعني او مسويلي ساالفه ,, قلت احطه احسنلي يمكن احصل الحل
موضوعي كالتالي انا مخطوبه حق وااحد من اهلي من فتره تقريباا و هالشخص الي خاطبني و قبل لا يخطبني كاان في مجرد رمسه انه يبى يخطبني بس انا كنت كله معارضه و هو يعرف هالشي بس مع مرور الايام رمسني و رمسته و قنعني اني اوافق ووافقت ع الخطبه و لكن للأسف هالشخص بوقت الخطوبه و قبلها و بعدهاا كان على علاقه مع وحده من أهلنا ع أساس انه اهي تحبه, كان طول هالفتره يرمسهاا و هو طبعا كان يا اما مجرد تسليه او انه كان يبادلها نفس الشعور الله أعلم ؟؟ المهم طول الفتره الي كنت ارمسه فيهاا انا الي هي قبل الخطبه و عقبها كان كله يحلف لي و يأكدلي انه ما يرمسها و لا تربطه بها اي علاقه و الين ما يا يوم و انا بروحي تاكدت بعيوني انه كان يرمسهاا و بينهم مسجات شرات حبيب و حبيبته . و من ذاك اليوم انا حاولت انهي علاقتي فيه لكن للأسف هو ما طاع و تم مصر ع موقفه انه ماراح يكنسل الخطبه
فأنا ألحين باعتبااري مخطوبه ما عرف شو اسوي احسني مشتته و احسه هو بعد ما يحبني ؟ و ع العموم انا رمست حد من خواتي عشان يتفاهموا ويااه قلب الموضوع لمصلحته وتم يطلع اعذار باعتبار انه يحبني و البنت الي كان يرمسهاا مجرد طيش و هالفتره الي مرت لا رمسني و لا رمسته هوو طبعاا كان يتصل و يطرش حقي مسجات و هداايا بعد لكن انا مسويه طاف و اما البنت الي كان يرمسها فأثبتولي البعض انه ماقام يرمسها و شي زياده حبيت ازيده ان انا رايي كان و لاشي لان اذا رفضته اتوقع ان اهلي كلهم راح يكونون ضدي لان هالشخص وايد جريب من العايله و بعد في منهم الي يقولي انج ظلمتي هالشخص و ما بتحصلين حد شراته يحبج ,,, و الله العظيم يتني فتره حسيتني وحيده و لا احد وااقف ويااي و كنت كله اصيح و مضاايجه حدي . أدري انا بعضكم بيقولولي اتركيه بس و الله ماروم لان كل اهلي بكونوا ضدي حتو لو قلتلهم السبب ..
فبليييييييز انا محتاره و موب عارفه شو اسوي و الله ما بإيدي شي اسويه
لا تبخلوا علي بردودكم الطيبه
شووروا علي الله يجزاكـــــــ/مـ كل الخير ان شاء الله
