عساكم بخير يارب
مثل ماهو مكتوب فالعنوان هل دبي ولي يعرفون دبي ابي نصيحتكم وشوركم لي
عرسي تاريخ 5-12 يعني بعد شهر ومثل ما انتوا شايفين
ان مافي وقت ولازم اتخذ قراري
انا من بوظبي ومااحب المكياج المسحوب ابد الدفش وابي فعرسي مكياج حلو وكلاس وحجزت
فستاني من ريم الحوسني فستان فكتوري حلووو بمعنى الكلمه فلوك الميك اب مايبي شي مهرج
والا شي يلوع يبي شي راقي وحلو فديتكم انا في وحده انصحتني اسوي عند وحده اسمها جاكلين
وقالت لي عندها صالون اسمه الاصابع السحريه وعطتني رقمها وقالت لي شوفيها وبرغم اني ماعرفها ولا قد سمعت عنها
لاني من بوظبي وانا ماحبيت اسوي فصوالين ابوظبي احس مافي وحده ضبطتني وخلتني حلوه برغم شكلي طبيعي احلى من الترقيعات وانا متعوده من دون ميك اب
بس اللي صار اني ساكته وماخبرت حد من بنات عمي و اني بحجز من دبي ابد عشان محد يوترني ماني ناقصه كلام الاهل وتدخلهم بس امي لي تدري وخواتي وريلي
المهم اتصلت على جاكلين وكلمتها حسيتها راعية صالون بمعنى الكلمه من كلامها واثقه من نفسها مره قالت لي شغلي اسمالله عليه بدك تشوفيه شوفيه او بروفه حسيت من كلامها حبوبه
قالت بجيج لين القاعه في بني ياس وطبعا راعتني فالسعر لان عندي ظروف وقدرت ظروفي
ومعاها حجزت حق الشعر امل السوريه بعد ما اعرفها ابد قالت تشتغل معي وراعتني فالسعر امل السوريه وكلمت امل بعد وحسيت ان عندها خبره وتسوي كل التساريح وساعدتني بالسعر
وانا قلت لها ابي شي روماني وكلاسي من دون رفعات مبالغه واسبريه متروس وشي راقي
يناسب استايل فستاني وطرحتي كيوت قصيره قلتلها ابي اجدد بحركة الطرحه
المهم الحين لي ابيه نصيحه منكم على مكياج جاكلين لاني صراحه ما اقدر اسوي بروفه عندها كم مره اسوي بروفه امي عصبت علي
من البروفات فقالت لي مو لازم لانها دوم تسوي لعرايس واكثرهم من دون بروفات وقالت انا عندي خبره من 18 سنه بالمكياج وبسوي لج شي بروفشنال تبغين اكبرلك الرسمه اكبرها تبين اصغرها اخفف لك او اكثر المهم حسب مع يليق ويطلع بشي جميل مو بشع حسب كلامها
وارتحت لها من كلامها بسوي لا مكياج خفيف مره ولا هو دفش واوفر يعني وسط وخير الامور اوسطها
حتى لدرجة انها سالت عن اضاءة الغرفه فالقاعه لي بتسوي لي فيها مكياج قالت اي لون اضاءة الغرفه لدرجة اني استغربت قالت بيضاء ولا صفراء قلت لها اصفر
قالت عشان اروح ل ايكيا واشتري اضاءه بيضا عشان اعمل مكياج حلو لان الاضاءه الصفراء ما يضبط المكياج عدل وابي اسويلك شي يطلع حلو مع الفلاش لما تتصورين
حسيت من كلامها انها صدق مخلصه في شغلها وعندها خبره ومريحه المهم الحين ابي التجارب والنصائح يا الغوالي
ارجو من كل عروس جربت عندها او شافت مكياج عروس سوت عندها تخبرني عن التجربه شو كانت
حلوه اولا فالنهايه يهمني رايكم بمكياج جاكلين وتساريح امل السوريه انتظركم على احر من الجمر يالغوالي لان مافي وقت عندي ابد للعرس
وهذا عرسي مره في العمر فابي اطلع بشكل حلو ومريح مو بشكل يخوف ويخليني اندم طول حياتي
ابي ردودكم باسرع وقت كل من جرب ومن شاف ومن سمع عن جاكلين يرد علي
انا اختكم الحائره من بوظبي
تنتظركم
