كيف افطم ولدي..ابي افادة للي عندها خبرة تغذية صحية

السلام عليكم بنات شحالكم وشو الاخبار حبيت استفيد من الامهات الي فطمو عيالهم
ابي اعرف كيف هو الفطام كيف تفطمين ولدج يعني شو تسوين و شو ماتسوين و هل انا بتعب وايد و بتلعوز لما بفطمه
لانه ولدي عمره سنه و 3 شهور وكت ارضعه من صدري مره وحده من هاالصدر ومره من الصدر الثاني فالنهاربس اعطيه مرضعه والحين طول اليوم مارضعه بس فالليل قبل لاينام اعطيه رضاعه ولما ينش نص الليل اعطيه من الصدر الاول شوي و عقب الثاني شوي و بس خلاص لين اليوم الثاني بالليل
والحين انا مسافره انشالله لمدة تقريبا 9 ايام او عشر ومابشل ولدي فهالشي بعد بيفيدني اني افطمه بس ابي نصايحكم كيف و شنو اسوي بعضهم يقولولي اني موول مارضعه لين يترس صدري حليب عقب اشفطه اوتم جيه لين مايخلص هل هالشي صح ولا كيف اسوي بليييييييييييز لا تبخلون علي بنصايحكم