كيف الحال ؟ ان شاء الله كل شي تمام ؟
الصراحه أنا وايد محتاره وأبي مشورتكم ..
عرسي آخر يناير ومن فتره بسيطه توفى ولد عمي ( ربي يرحمه ويغمد روحه الجنه يارب )
وبنات عمي فديتهم والله مثل خواتي واكثر .. الحين أهل ريلي يبون يأجلون العرس وانا بحكم دراستي وخاصه ان اخر سنه ماعندي اجازه ابد غير في شهر 1 .. حتى فالصيف مافي اجازه وانا صار لي فتره طويله من انخطبت .. فأنا وريلي مستبعدين فكرة التأجيل تماماً ألحين عندي هالحلول واتمنى تعطوني رايكم ..
1- ان اكنسل كلللللل شي من حنا وغيره وريلي نفس الشي ونخلي بس يوم القاعه
ملاحظه : انا ماحجزت اي شي للحين غير القاعه والمكياج بس
2-ان اكنسل حتى القاعه والبس فستان واروح الصالون وكل شي ونروح نتصور وبس بعدين نروح الفندق وبعدها نسافر
انا كنت افكر فالثاني لأني الصراحه ماادري احس همممم كله افكر كيف الكوشه ومادري شفيها القاعه ومن هالسوالف .. بس في ناس قالوا لي لا بتندمين ومن هالكلام وهاي ليله فالعمر ؟؟؟
سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ
وألحين أسلمكم المايك
