خواتي انا شفت البعض منكم يعاني من الاام الدورة الشهرية الشديده مثلي طبعا والي هيه : الم شديد جدا ف البطن و الرجل و الاحساس بالبروده والرعشه و لوعت الجبد …والي ترجع ( تزوع ) دم وحاله
نصيحتي لكم هيه انج اتطيحين على يمينج واتخلين حد من هلج ..امج.. يدّج اختج العوده واي حد يعرف يهمّز …يبدون يهمزونج من ريلج تحت لين فوق وصولا الى منطقة الخصره … لازم ماتكونين شادة اعصابج حاولي ترخينها و تغمضين عيونج كوني ف فترة استرخاء …
انا اختي العودة همزتني ماشاءالله عليها كانت شوي شديده ع ريولي لدرجة انه خف العوار وقام يتوزع لين خاز… واسميني ارتحت وياني رقاد وخف العوار عليه … يقولون انه هالاشياء تخف عليج يوم اتعرسين …هممم والله ماعرف عن هالشي…انا وحده يوم تيني ماحب اشوف حد ويومين ع الفراش يا سايره الحمام عزكم الله يا راده وحالتي لله …ويستويلي ثاني يوم من التعب سواد تحت عيوني ومصفره …وحاله ..ل شهر كنت لازم اغيب عن الكليه بسبب هالحاله
بنوتات حاولوا اتخلون حد يهمزكم …احسلج من صرط الحبوب البندول والبونستان وحاله … هذي النصيحه عن تجربة …وعقب كمن يوم شفتهم كاتبين ف احدى المجلات الصحيه انه المساج يخفف من الام الدورة الشهريه
والله يكون ف عون الي يعانون مثلي 
