المهم وبالهالمناسبه مديري رتب لي حفله محترمه …طلعت مع ربيعاتي والحلو ان مديري طلب ان كل وحده قريبه مني سواء تشتغل في نفس تيمي او تيم ثاني تطلع للغداء.. وايد استانست من هالشي…
الغداء كان في شيراتون دبي ^_^
وعقب الغداء رجعنا للدوامـ … وسووا حفله ثانيه في حضور باجي الموظفين…
ومديري القى كلمة لي .. اثنى ع شغلي وايد ومدحه وايد وكان وسام شرف بالنسبة لي خاصه اني اشتغل في قطاع خاص مع اقليه من المواطنين والاغلب اجانب.. وقالي ان متى مابغيت ارجع الوظيفه بتم تترياني مع الترقيه ^_^
وعقب فاجأووني بهدايا راقيه ^_^ بمناسبة زواجي..
تعالوا اراويكم الهدايا..
هذي العلبه
وهذي هي الهدايا..
عقد من داماس مكتوب عليه اسم الله .. واايد رووعه في اللبس
ساعه ماركة charriol من باريس جاليري
عطرcharriol من باريس جاليري
كان يوووم ولا اروع في حياتي ^_^
الهدايا كانت من ترتيب حبيبتي ام حسين…
وبـــس ^_*
