واااايد مقهورة من ريلي .. يمكن تشوفون السبب سخيف و ما يستاهل بس انا اشوفه مهم بالنسبة لي ولعيالي.. انا خبرته قبل ما تبدى اجازة عيالي اني برتب طلعة برع بوظبي وبحجز وقالي اوكي.. والحين من الاسبوع الماضي اقوله بحجز في العين يقولي اصبري يمكن انشغل .. ومرة يقولي احجزي في شاليهات مبزرة عشان ناخذ ويانا مشاوي ونشوي في الشاليه .. قلتله اوكي بس قالي اتريي .. قلتله ما بنحصل قال لا مستحيل بنلاقي
وامس تفيج وقالي دقيلهم باجر الصبح .. اتصلت طلع ما في غير شاليه واحد غرفتين وصالة وطلع غالي 1200 .. بس احنا مو محتاجين ندفع هالمبلغ لان يكفينا شاليه بغرفة وحدة .. قهرني ضيع علينا .. والمشكلة ما عندنا غير الويكند لاني اداوم وهو مشغول طول الاسبوع
انا طفرانة ومن الحمل ملانة وابي اغير جو .. وهو مو حاس بهالشي .. حتى عيالي يبون يطلعون .. واصلا طلعاتي انا وريلي وعيالي بروحنا نادرة جدا .. 9 سنين معرسين ما طلعنا بروحنا الا 3 او اربع مرات .. كل طلعاتنا ويا الاهل
شاسوي وياه .. مرات اقول بحجز واحطه اما الامر الواقع ومرات اقول لا ما فيني يعصب على ولا شي ..
اسفة بس كانت فضفضة لاني صدق مليت .. اشوف كل عيلة يطلعون بروحهم وانا لا .. الله لا يغير عليهم ما اريد احسدهم .. بس ليش انا لا .. ريلي هالامر ما يهمه وايد مثلي
