شحالكم عساكم بخيـــر
ربي يسلمكم اليــوم بحط لكم صورة كيكة دووم اسويها . . عيّفت بها الناس هههه .gif "12 (13)")
سهلـــــــه و سريــــــعه . . بس عقب ما تخلص تحتـــاج تبريد . . عشان تكون ألذ و أحلى .gif "12 (36)")
أول شي
المكونــات :
1) خليط الكيك الجاهز ~ في الغالب استعمل العلالي ^^
و نصيحة اذا تبين الكيك ينتفخ
أ) شغلي الفرن قبل لا تبدين
و عقب ما تخلطين المكونات
ب) خلي الخليط في القالب لمدة ربع ساعة قبل لا تدخلينه الفرن
ج) لا تفتحين ع الكيكه كل ساعه تتطمنين عليها . . بيدخل الهوا البارد الفرن ولا بتنتفخ ^^
2) نوتيلا ~ علبة متوسطة أو صغيرة
3) جلكسي . . على حسب الرغبة . . أنا استعمل 8 تقريبا
4) قشطــة وحدة . . و لو قيمر بتكون أحلى ^^
طريقة العمل :
– اتجهزين الكيكة و تظهرينها من الفرن و تتريينها تبرد . . عقب ما تبرد قلبيها . . و هذه النتيجة :
تجهزين الجوكلت لتغليف الكيكة
أول شي تحطين النوتيلا
ثم تضيفين له قطع الجلكسي
و طبعا يكونون تحت حمام ماي
تخلطينه
تضيفين القشطة أو القيمر
Still mixing
و هذه النتيجة :
+
و آخر خطوة
انتي و ابداعج
غطي الكيكة بالجوكلت
و عقب زينيها حسب الرغبة ^^
أنا طلعت وياي بهالنتيجة :
+
إن شاء الله عيبتكم الكيكة و عيبكم الموضوع = )
تقبلوا خالص المودّة :
شواخي الحشيمة
