الأشياء الي بحتاجها واجهزها قبل لا ادخل الحمام
1)غرشة ماء ورد اكبر حجم (في منها بالجمعية التعاونية علبة بلاستيك)بس يكون بااااااااااااااارد يعني نص مثلج
2)حجر المسك الأبيض الي من عبد الصمد القرشي حبة وحدة مطحونه ومنقعة بغرشة مسافي الكبيرة…طبعا انا ما بستخدم الغرشه كلها حق مرة وحده لا بوزعها بعلب انيقه وراقيه عشان اشل وحده حق الفندق الي ببات فيه اول ليلتين في العرس والباقي حق ايام شهر العسل الي بسافر فيهن
3)غسول الجسم الي بيكون ياي طقم مع الكريم واللوشن والصابونه وعطر الجسم.
4) سكراب الملح مع الحليب.أو اذا المجموعه ياي فيها سكراب ممكن تستخدمينه
5)شامبو الشعر + البلسم
6)العطورات( الدخون+العود+عطر فرنسي+مخمرية+دهن عود)
7)زيت الأطفال
8)قفاز نايلون
الطريقه
طبعا قبل لا اروح الصالون بساعتين عشان أخذ راحتي في الحمام
قبل لا أدخل الحمام بدهن ريولي الين مكان الحنا وايديني بزيت الأطفال عشان ما يتاثر بالصبون والماي وايد
1) ببل جسمي كامل مع شعري بماي دافي
2)بغسل شعري زييييييييييييين ما زين وبدلك فرة راسي يعني مساج خيف وبعد ما أغسله من الشامبو بحط بلسم بس ما بحط على الفروة عشان ما يزيت شعري ويحت وبرفعه وبخليه شوي
3)الفترة الي بتم مخليه فيه البلسم بشعري بستغله بعمل سكراب خفيف لجسمي بدون ما افرك ريولي وايديه عشان الحنا طبعا السكراب بيكون خلط من الغسول وسكراب الملح والحليب طبعا تدليك خفيف وطبعا بكون لابسه القفاز بس ما بغسل السكراب بخليه.
4)وقبل ما اغسل جسمي من السكراب بغسل شعري من البلسم وبرجع ارفعه وبعدين بغسل جسمي عن السكراب مع التدليك الخفيف.
5)وبعدين بغسل جسمي بماي الورد البارد كامل زييييييييييين ما زيييييييييييييييييييييييين وعقبها بنشف جسمي بالفوطة زين وانا في الحمام وعقبها برش جسمي بماء المسك الي نقعته بس ما بكثر رشات خفيفه وبدهن فيها جسمي كامل.
6) عقب ما اطلع من الحمام ويكون جسمي ناشف زين ما زين بخلي المكيف شوي يبرد جسمي وبكون طبعا مخبرتهم انهم يجهزولي المدخن وبدهن جسمي بكريم مرتطب كامل وعقبها بحط كميه من الكريم في ايدي وبحط من العطورات الي جهزتها قطرات قليله وبمسح جسمي كاااامل وبعين بلبس الثياب الي بروح فيها الصالون وبدخن بالعود والدخون
عاد يالله تخيلو الريييييييييييييييييحه؟؟؟؟
طبعا النقطه رقم 5و6 بكررها عقب ما تخلص حفلة العرس
واما عن الطريقة كامله بكررها كل يوم في فترة زواجنا الأولى وبعطي ريلي الطريقه عشان تكون ريحتنا انا وياه متشابهه
ها شو رايكم يا يبنات بطريقتي الي اخترعتها؟؟؟ والي تحس انه في شي ناقص تخبرني عشان نستفيد كلنا
والله يوفق كل العرايس
