احم احم ممكن شوي ؟

صباح الخير حبوبات

شحالكم عساكم بخير وعافية

عندي الكثييييير الكثير من الاستفساراات

اول الشئ الحمد الله ملجت قبل ثلاث اسابيع والله الحمد وكانت ملجتي اهليه وبسيطه وان شاء الله عرسي بعد رمضان

الحين سوالي شو ممكن اسوي في ها الفتره من تجهيزات ! أو اصبر واخلي كل شئ للاخر ثلاث شهور

شو ممكن اسوي حق بشرة ويهي ( بشرتي بشكل عام صافية وشعر فيها خفيف يمكن وبر مب شعر عادي اسوي ليزر ولا ما يحتاج وصح ترا ولا مره شليت شعر ويهي كله اشقرر الان ما يبان كثير )

بعد ابا ابيض اسناني الاني كنت مسويه تقويم ف احسهم شوي مصفرين وين احس مكان ؟؟ ابيض ولا اتريا لين قريب العرس ؟؟

جسمي شو ممكن اسوي حمام مغربي ولا دلكة (ظهري شوي مسمر عن باقي جسمي وركبي شوي مسمره ) وفي علاج بليزر يفتح هاي الاماكن و وين احسن مكان

وعيادة كايا شو رايكم فيها وفي عيادة افضل عنها او لا

الملابس والشنط وهاي السوالف متى ابدا اشتري لها الحين ولا انطر لبعدين

واخرر سوال وهو اسفسار ريلي من ملجنا ما دق عليه واذا يبا شئ يكلم اخته او امه ويخبروني ؟؟ وقت الملجة كان وايد وايـــــد يستحي وانا كنت ميته خووف منه انا عندي عادي ولو ما دق ومب مستعجله على تلفوناته بس ربيعاتي يقولون غربية ماشئ ريال جي ويمكن ما يباج !! صح كلاهم ولا الوضع عادي

بلييز ساعدوني انا اول وحده اعرس في بيتنا ومحد عنده خلفية وان شاء الله بكون دائما متابعة لكم