شخباركم صبايا وحريم
أبي أنشدكم عن شي محيرني واااااايد
في واحد متقدم لربيعتي ومن قبيلة مشهوره وخير الدنيا عنده الله يزيده ويرزقنا ياااارب
ماتعرف عن أخلاقه وايد لانه توه متقدم بس تقول شكله مب حلو هي مش متقبلتنه
بس مستحيه ترد عليهم شو تسوي
الصراحة أخاف انحط فهالموقف لما شخص يتقدم لي فقلت أخذ نصيحتكم لربيعتي ولي
بنات بليز ساعدوني عطوني حل بنتي عمرها 15 يـــــــــــــــــــوم وااااااااااااااايد تصيح من بطنها خذت لها دوى الغازات بس بعدها تصييييييييييييح
ساعدوني هذي البجر وانا صرااحه ما اعرف وااايد لليهال
من الجميل أن يكون لديك مرسيدس بودمعة الجديدة ومن الرائع أن تكون لديك فيلا عظيمة وزوجة جميلة وأموال لا حصر لها
ولكن الأجمل من هذه كله أن تكون لديك أم تقبلها كل صباح فتقول : الله يرضى عليك يا وليدي أو يابنيتي..
°°◦ღ♥ஓ ليت الدنيــا مثـل امي…ازعلهاا وترااضيني ஓ♥ღ◦°°
يخجل الكثير من الأبناء من أمهاتهم ويحسون بالخزي وهم يمشون معها إو يأخذونها إلى مكان ما وعلى العكس تماما
تفتخر الأم عندما يأخذها ولدها إلى السوق أو إلى بيت أحد الأقارب … فعلا ما أروع الأمهات وما أقسى الأبناء ..[
°°◦ღ♥ஓ ليت الدنيــا مثـل امي…ازعلهاا وترااضيني ஓ♥ღ◦°°
قبل أن تزوج ابنتك لأحد الشباب المتقدمين لطلب يدها لا تسأل عن أخلاقه ودينه وأصله وماله ووظيفته فقط …
لا تنسى سؤالا مهما هو : كيف يعامل الولد أمه وأبوه ؟!
°°◦ღ♥ஓ ليت الدنيــا مثـل امي…ازعلهاا وترااضيني ஓ♥ღ◦°°
كل واحد يفكر في إرسال هدية لزوجته أو لصديق عزيز الله يخلي المصلحة
ولكن هل يفكر أحدنا بمفاجأة أمه بهدية ؟!
°°◦ღ♥ஓ ليت الدنيــا مثـل امي…ازعلهاا وترااضيني ஓ♥ღ◦°°
ربما لا تعرف حجم الحب الذي يكنه قلب أمك لك ولكن عندما تتزوج وتنجب الأبناء ستعرف مقدار الحب الذي يكنه الآباء لأبنائهم
وإذا لم تحس بعد ذلك بمقدار الحب الذي أحدثك عنه الآن فتأكد يا عزيزي بأن قلبك هو مجرد صخرة صماء !
°°◦ღ♥ஓ ليت الدنيــا مثـل امي…ازعلهاا وترااضيني ஓ♥ღ◦°°
كل شيء يعوض في هذه الدنيا ، زوجتك ستطلقها وتتزوج من هي أفضل منها ، أبنائك ستنجب غيرهم ،
أموالك ستجمع غيرها ولكن أمك هي الشيء الوحيد الذي إذا ذهب لا يعود أبدا !!
°°◦ღ♥ஓ ليت الدنيــا مثـل امي…ازعلهاا وترااضيني ஓ♥ღ◦°°
بعض الأبناء يعتقدون أن الأم مجرد خادمة تطبخ وتنظف وتوقظ في الصباح ، ولكن الفرق الوحيد بينها وبين الخادمة
هو أن الخادمة تأخذ راتبا والأم تعمل ليلا ونهارا وببــــلاش !!
°°◦ღ♥ஓ ليت الدنيــا مثـل امي…ازعلهاا وترااضيني ஓ♥ღ◦°°
بعض الأبناء لم يعرفوا قيمة أمهاتهم بعد كما أنهم لن يعرفوا إلا
عندما تأتي زوجة الأب أو تنتقل روح أمهم إلى عنان السماء !
°°◦ღ♥ஓ ليت الدنيــا مثـل امي…ازعلهاا وترااضيني ஓ♥ღ◦°°
كم واحد منا يقبل يد أمه وكم واحد منا يقبل رأسها وكم واحد منا يكلمها باحترام وأدب …
لو نظر كل واحد منا إلى أسلوب تعامله مع أمه لوجد نفسه عاقا وجاحدا ومجرما .. كم هو حقير هذا الإنسان !
°°◦ღ♥ஓ ليت الدنيــا مثـل امي…ازعلهاا وترااضيني ஓ♥ღ◦°°
ذكر بالقرآن و يشهد التاريخ أن كل من عق أمه لم يرَ الخير والسعادة في حياته ، كما يشهد التاريخ أن كل من أساء إلى أمه أساء إليه أبنائه ،
ويشهد التاريخ أن الأم هي صاحبة أعظم جميل يتلقاه الإنسان كما يشهد بأنها تتلقى أعظم جحود يتوقعه البشر على مر التاريخ !!
°°◦ღ♥ஓ ليت الدنيــا مثـل امي…ازعلهاا وترااضيني ஓ♥ღ◦°°
يقول أحمد شوقي أن الأم مدرسة ويقول بعض الأبناء أن الأم مؤسسة نظافة وخدمات عامة !
بعد وفاة الأم وهداية الأبناء يتمنى كل عاق أن تخرج أمه رأسها من قبرها ليقبلها ويقول لها : أمـــاه … سامحيني !!.
من بعض ما اعجبني ..
ليـت أمـي دنيتـي ..! لمـآ نـزلت دمعتـي ..!
ولدتك امك يابن ادم باكيا……..
…….والناس حولك يضحكون سرورا
فاجهد لنفسك ان تكون اذا بكوا …….
………في يوم موتك ضاحكا مسرورا
اختكم في الله
أم سيــــف 
افكر بالطلاق بس العيال كيف
الي تعرف محامي شاطر اطرش لي رقمه
وسامحوني تعبت من هالارف
بنتي الله يحفظها بتكمل سنتين بعد اسبوعين، كيف أقدر أفطمها بسهولة
بصراحة أنا غلطت، ما عودتها عالمرضعة وهي بطبعها ما تحب الأكل،
بس تبا ترضع، والحمد لله أرضعها بس فليل واااايد تقوم اتصيح تبا ترضع
شو أسوي وياها
حاسة إن فطامها بيكون صعب
من فترة حطيت كحال على صدري عشان أخوفها منه، أقوللها فيه واواه
بس مما اقتنعت
ساعدوني بليز، أول بيبي وماعرف كيف أتصرف
خواتي ابغي حضانة مميزة و حلوة و نظيفة من تجاربكم
عندي طفل بعمر السنة و 3 شهور و ما عندي حد يجابله و مضطرة والله
في الشارجة او عيمان
ع الاقل تكون في مناطق جريبة من شارع الامارات ..ع درب دوامي 
الله يسلمكم انا مطلقه و عندي و لد الله يحفضه لي ..
المهم .. كل يوم والثاني طليقي مسوي مشكله و لا رافع علي قضيه ..
كله يبغي ياخذ الولد مني … و لدي بعده عمره سنتين و نص ..
مرااات افكر هذا ماعنده قلب يبي يحرم ياهل من امه ..
ومرااات اقول من حقه هذا ابوه … خلاااص من داخلي استويت متناقضه .. مادري شو اسوي تعبت من ه الحال ..
بس اقوووول انا ماحرمته من ولده كل خميس 5 ساعات يشوف ولده ..
ومرااات اقول شو من اب بعد ما استوا عمر ولده 6 شهور طالب انه يشووووفه طبعا كل هذا بالمحكمه ..
فكرت اعطيه ولدي و اريح رااااسي من المشااااااكل و يستوي الحاال العكس طووول الاسبوع عنده و الويكند عندي …
بس مجرد افكر جي اتخبل ما اتخيل حيااااتي من غيييير ولدي ..
المشكله الي تخليني جي افكر انه كل ما استوا شي ف بيت ابوي سيده ابوي يهددني انه بيطرش ولدي حق ابووه مادري ليش جي يسوي ابوي..
مرااات افكر اقوووول دوم الولد يحن لامه لانه اعرف سواااالف جي انه والولد لو شو ما صار له يرد حق امه ..
بس مجرد التفكير سيده اصيح و ما ارقد … تعبت من ه الحاله …
حتى انه بس افكر سيده ارقد ولدي فحضني .. اقول ما يندرى اليوم فحضني باجر عند ابوه …
استويت اعامل ولدي انه خلاااااص باجر هو عند ابووووه …
كل الي حوليني لاحظوا ه الشي .. حتى انه اي حد يجيس ولدي اعصب عليه و اخليه يكره اليوم الي فكر فيه انه يجيس ولدي …
و انا مابي حد يكره ولدي …
بلييييييييييييييييييز ابي حل لان خلاااااااااااااااااص ماروم افكر استوى تفكيري سلبي…
العنوان وايييييييد كبير و مخيف و واقعي
و لكن يستحق
وقفة
مع النفس
موضوعي خاص للموظفات وحتى بعض ربات البيوت
اللي تبغي تكون ريال و حرمة كانها روبوت
تبغي تصرف ع البيت و ع ريلها و تبغي تكون مكانه
انتي تسوين كل شي
الصرف عليج
الايجار عليج
اساسيات البيت عليج ……….الخ
توصلين اليهال و ترجعينهم
مواعيدهم مستشفياتهم
مراجعاتهم الخاصة ف المدارس و المستشفيات
اغراضهم ملابسهم
مستوية اساس البيت و عمود البيت
مجابل البيت كل شي عليج
طيب اللي عندج شو دوره ؟؟ يلسة و شيشة و قهوة و رقاد و دوام بس
وين دوره ك رب اسرة ف البيت ؟؟؟
تذكرت مووضوع خاص شوي
تقول لي تريييت احمل من سنين و يوم حملت
قلت له خاطري اراجع ف مستشفى خاص تقريبا يكلفني 4000
درهم ل 9 شهور حمل
اخاف ع الياهل اللي اترياه من 7 سنين
ادفعي من راتبج ما يخصني
وصلني با فلان عندي موعد ،، تعال شوف النونو بالسونار
مو متفيج كالعادة
والله يا دانة نزلت مني دمعة
ما ابغي فلوسه
بس لو قال لي يفداج المستشفى
و يفداج كل شي
لاجل أول مولود وانا بروحي اراجع عادي بدفع من جيبي
طيب انتي عودتيه تسوين و تروحين و ترجعين
مب انتي موظفة و عندج سيارة ،، برايج سيري و خلصي امورج
انتي غلطانة
بنات منو منكم هي الربان
و هي القايد
هي الاساس و هي عمود البيت
هي تودي و اتييب
هي تدفع و تسوي
هي الريال و الحرمة
راتبها ضايع ع مصاريف البيت المستشفى اليهال مدارسهم
ولو نشوف لحالتها المادية و الاجتماعية
صفر لا بيت لا سيارة لا حياة شرات العالم
هي تسد نفسها و تسد ريلها
""انا تكلم عن استغلال الرجل لزوجته بصورة مفرطة ""
""الحرمة اللي تاخذ دور ريلها ""
""ما ارمس عن الحرمة اللي تساعد ريلها ف حدود الحاجة و المعقول و اللازم""
كل وحدة تقول الصدق عشان ابدأ موضوع
الغباء النسائي في مجتمعنا
ها الغباء مب بس نحن نسويه
حتى بعض امهاتنا الكبار اللي وصلن 40 و 50 سنة
مع ذكر امثلة و امور منتشرة بينا و نحن ما ندري
انتي توصلين اليهال
انتي تشترين من الجمعية
انتي توصلينهم المستشفى
انتي انتي انتي انتي انتي انتي
انا ما ارمس عن الامور المادية فقط
انا ارمس عن دور الرجل ف الحياة الزوجية وين دوره ؟
ليش خذتي دوره ؟؟؟؟؟؟
بأمانة وقفة
مع نفسج
؟؟؟؟
و ابغي إجابة صادقة جدا
طيب باجر بتستقلين شو بيصير لج ؟
باجر بتتعبين مو قادرة توصلين و ترجعين و تسوين كل شي ؟
و كيف ريلج بيتعود ع مصاريف البيت ؟
كيف بعد سنين بتقولين له انا تعبانة اروح و ارجع ساعدني شوي ؟
لي عودة مع التفاصيل
و اعذار الحريم المعرووفة
فديته مب مقصر علي
حبيبتي تفديه من اليوم لباجر ما عندي مشكلة
وانا لازم اشاركه ف كل شي
لا يا عيوني ،،،، هاي مب مشاركة ابدااااااااا
انتي خذتي دور الريال في كل شي ،
، في كل الامور المادية و الاجتماعية
لا تحطين كلمة مشاركة لعذر لتصرفاتج
وين كلمة المشاركة عن كلمت كل شي فوق راسج ؟؟
فرق بين المشاركة و اخذ دور الرجل
انتي خذتي دوره ف كل شي
خلي الريال ياخذ دوره ،،،،،،،
و انتي خذي دورج
لا تخلطين الادوار ابدا
الريال له دور
و الحرمة لها دور و حتى ولو كنتي موظفة ،، لا تطلعين برى حدود دور المرأة
متى ما اختلطت الادوار بصورة دايمة و مفرطة
انتي اللي بتتعبين و هو المستريح
نسوي و نسوي و نسوي لين ما بيوتنا اطيح ع راسنا
و عقب نولول و نقول
ليش انا شو قصرت انا بشو قصرت ؟
قصرنا و قصرنا و قصرنا
انا حرمة ،، انثى
و هو ريال ،،، ذكر
بتحطين اعذار من اليوم ل باجر ،،، حطي لج اعذار و تحملي النتاييييج
