التصنيف: الحياة الأسرية

صصباح الخيير بنات….
من فترره كتبت مشكلتي ويا ريلي ( هذا نك نيم ربيعتيه )…
اليووم خذت تيلفون ريلي البي بي ، طبعا احصل كل شي محذوف بحجة انه مايحب يخلي شي هو قراه …
فتحت الواتس اب ولقيته ضايف وحده زلمه/ عفوا علئ هالكمله/ وكاتب لها الفلم روووعه وعاوز سينما وفوشار طبعا يوم سالته قالي هيه هاي تتخبرني عن فلم مصري . قلت له لا والله ليش ان شاءالله …..؟
قال انا ماحب هالاسئله سكتي عني صدعتيني , سرت الغرفه ودمعي علئ خدي شليت مخدتيه وسرت ارقد الغرفه الثانيه ….
االلي قهرني اكثر ماطاع يحذفهاا اوونه كيفي يوم بحذفها بحذفها بكيفي

السلام عليكم
خواتي انا اليوم حابه افضفض واطلع اللي في خاطري .. واتمنى القى حد يسمعني
انا كنت قبل زواجي انسانه عندي صداقات وايد ..وربيعاتي كل يوم ارمسهن وعندي شله احسد عليها في الجامعه…… بعد زواجي ابتعدت عن صديقاتي ماعرف كيف بس يمكن انشغلت بعيالي .. وريلي ..
المهم انا الحين ماعندي يعني يمكن وحده ثنتين مانتكلم الا في المناسات ….
في هالسنه عقب ما راح ولدي المدرسه .. ايلس الصبح وحيييده خاطري حد يرد عليه الصوت . خاطري ارمس حد في عمري .. انا ساكنه ويا ااهل ريلي بس احسهم ما يحبوني .. حتى عمتيه تسلم عليه وتروح ..ماحد يستكتع السوالف معاي .. .. بيت اهلي قريب .. ارووح عندهم القى امي مب فاضيه عندها جدولها الخااص ….انا ماعندي شغله اعاني من فررراغ قاتل .. ودايما كئيبه وحزينه .. حتى علاقتي بولدي (4 سنوات) مش حلوه .. مايسمع كلامي كله يصيح …..واحس ببرود تجاه ريلي.. اسمحولي بس حبيت اوضح الحاله …
شو تنصحوني اسوي .. انا موب عايبني الوضع وخاطري اسوي شي مفيد واكون مهمه عند اللي حواليه…. للعلم انا مش مسموح لي اسوق سياره وحاليه ماعندي سايق ..

اشحالكن خواتي ان شاء الله الكل بخير ودوم بصحه وعافيه المهم خواتي حبيت احط هنيه موضوع وايد يشغلني اذا الواحده منا عندها ريلها وعيالها هل احسن انها تشتغل اوتترك كل شي وتيلس بالبيت وخصوصاًَ اذا كانت مابتقصر مع ريلها وعيالها وريلها ماشي عنده مانع انها تشتغل خصوصاً يوم يكون الشغل محترم وتقدر فيه الحرمه اتطور من نفسها وتزيد من ثقافتها وتتعلم اكثر واكثر وطبعاً مافي بشكاره بالبيت ، او احسن لها تيلس وتجابل ريلها وعيالها بس ومايكون لها اهتمام خارجي غير البيت واذا اختارت البيت كيف يمكن اتطور من نفسها وتنمي ثقافتها وتبدع وخصوصاً اذا الريال ماعنده مانع بس القرار صعب لان الوحده ماتبي تسوي للشغل حساب على عائلتها او العكس اتمنى المشاركه

بنااات بنتي عمرها سنة و3شهور اعطيها حليب بالفراولة لاكنور يعني مره كل كم يوم مب دوم
اعطيها عصاير بس هي دوووم تشترق من العصاير اي نوع من هي صغيرة فقلت بغير
الحمد الله حبته
بس ماعرف هو زين وله لا حق عمرها ؟؟؟

السلام عليكم

بدش في الموضوع عطول

بنات لحقو عليه وواسوني مب عارفه شو اسوي بتخبل ريلي عرس عليه بالسر :1 (9): بدون ما اعرف ولاحتى خبرني عرفت من الناس والمشكله يقولي مب لازم تعرفين لج بيتج وعيالج وماشي بينقصج ولاجنه مسوي شي وانا بموت اتقطع يوم سألت ناس مطاوعه قالوا مب لازم يشاورج ولا لازم تدرين هو له حق ياخذ أربع وبدن سبب المهم يعدل وهو يقولي انتي مافيج شي بس انا حبيتها يعني انا لا انا ما يحبني شو اقول حج الناس والاهل شجا اواجهم راسي بينفجر حتى الرقاد ماشوفه

احس انها مصيبه وطاحت على راسي كل يوم اتضارب وياه احاول اسكت بس ماقدر

ساعدوني الله يخليكم

قوووه بنآآت ..

شخبآرررركم وحشتـوني …

الموضوع وااضح من عنوآنه ترضين تتزوجين وآحد أصغر منج !

واللي متزوجه وآحد أصغر منها تقولنآ اذا كآن لهذا الزواج سلبيآت ..