التصنيف: دليل العروس

شحالكن يا خوااااااااااااتي ؟
عساكن بخير

العالم الله ان مايقى على زواجي غير شهر واحد فقط لا غير
ولين احييييينه مب لاقيه زفة لي

والله تعبت واااااايد وانا ادور ……..دورت فالزفة الكويتية بس حاطين مقاطع صغيرة بس ولو تبينها اشتريها منهم والمشكله وايد غالي مبالغ فييه
شسوي والله مادري دخيلكم خواتي خصوصا الي في بوظبي
لو تعرفون محل بيفصلي زفة باسمي وبسعر مناسب ؟؟
لو تعرفون وين بالضبط وبكم تقريبا ؟؟
او موقع فيه زفات مجانية
او وحده عندها زفة تطرشها لي

الله يخليكم لا تتجاهلون الرد لاني محتاااااسه وايد
عسى الله يوفقكم ويزاكم الله خير

اختكم
محتاااااااسة

خواتي ….يغيت اعرف منو اتسوي ميكب احلى للعرايس ريحانة ولا مادونا ….الصراحة انا بغيت ريحانة ..وشفتها على بنت عمي وايد حلو ونظيف الميكب آب …بس يوم شفتها على مرت ولد عمي ..كان واايد خفيف ما حسيت حق العروس فهني واايد احترت هالبنسبة لريحانة …
وبالنسبة لتسريحات العروس من احلى ايمي ولا ماتيلدا …وماتيلدا وين مكانها
والسمووحة

بنوتااااااااااااااات وخاصة بنات العين

وين بحصل التروولي العربة الزجاج اللي فيها تواير كبيره

تنعرض عليها الشبكه والدبله ؟؟

انا حصلة فهوم سنتر بس مب حلوه وكبيره

ابي وحده رااااااااقيه

ويفضل توايرها تكون بالعرض وكبييره

من وين يبيعووووووووووووووووووووهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم و رحمة الله وبركاته

شحالكم الغاليات

حبيت افتح هالموضوع عشان نشوف اراء بعض بخصوص الاعراس
شو احلى عرس حضرته كيف كان وليش كان من احلى الاعراس

او بشكل عام شو هي الاعراس اللي تعيبج
او ممكن تخبرينا شو الاعراس اللي ماتعيبج مثلا شو الاشياء اللي تضايقج

خل نستفيد من اراء بعض عشان ناخذ من افكاركم ونحاول نطبق في عرسنا الشي اللي يعيب الاغلبيه، طبعا بخصوص الاشياء اللي ممكن نطبقها

انا بقول شو الاشياء اللي تخليني اقول هذا العرس حلوو

اولاً الكووووشه
وايد اهتم للكوشه وكيف شكلها وطبعا لما تكون كلاسيك و راقيه تحلي القاعه
يعني مره حضرت عرس كشخه بس انصدمت انه الكوشه مب شي فحسيت ماعرف كيف شوهت القاعه

ثانياً وايد اهتم لاضاءة القاعه ولو انه القاعه عاديه ،، بس الاضاءه الكامله للقاعه تلفت انتباهي وتعطي المكان فخامه واجواااء ساحره وبعد ترى تحلي اشكالنا ههههه خاصتاً المايله للون الازرق

ثالثا الاكل
طبعا مهم يكون الاكل لذيذ ويلبي طلب مختلف الاذواق
اقصد مايكون بس عيوش وهريس وثريد
حلو عالاقل يحطون اطباق عالميه مب كله شعبيه لاختلاف الاذواق
ومشروبات حاره وبارده

احس كل ماكانت شي اطباق لذيذه منوعه وخدمة الضيافه اوكي ، يعني نشوف على ويوهم البشاشه مب مادات البوز وخدمه نظيفه ومرتبه

رابعاً العروووس
افضل انها ماااا تتأخر وايد لانه صدق هالشي يضايق
استانس وايد يوم اشوف العروس داشه عالعشر وشوي
مب ١١ وطالع

طبعا الدي جي يفضل يكون ربشه لانه يلعب دور كبير بأحياء اجواء العرس
وما اداني وجود المطربات والرقاصات

اخيراً وها شي مب بايدنا بس حبيت اتكلم عن هالنقطه ^_^
اكيد راح استانس بالعرس اكثر لما يكونون اهل العروس والمعرس مرتبشين بالرقص وكل وحده لابسه فستان غريب احلى عن الثاني نفس هوليود والعروس تكون نعومه ستايلها كلاسيك

بس
اتريا المشاركات ^^

مســـــــــــــاء الخير,,,,,,,,,,, عرايسنا الحلوين

أبغى أسألكن عن مكياج فوز الأنصاري شو رايكم فيه للعرايس؟

ارجوكم ساعدوني ابا ضاغط اوكي من تحت الصدر لين تحت

لا تبخلون علي يزاكم الله خير

السلاك ليكم ورحمه الله وبركاته
اخواتي العزيزات اطلب مساعدتكن انا اختكن من ليبيا
مخطوبه وجايه لدبي قريبا
ارجو منكن مساعدتى فى
1 محلات تفصيل وتصميم فساتين العرائس
2 محلات المفروشات
3 اين يباع صناديق الزجاج لعرض الشبكه
ارجوكن اطلب مساعدتكن
والله يجزاكن كل خير

بنـــــــــآآآآت شو رايكم وين افضل انه الوحده تكتب كتابها بالمحكمه ولا تجيب شيخ ع البيت

وليشششششششششش ؟؟… يعنى شو الفرق وبشو افضل

وشكراااااا

ابي وحدة مكياجها روعه

ام شما خولة الشحي ولا منو؟؟؟؟؟

السلام عليكم

مرحبا عرايس و بنات و حريم خخخخ

شحالكم

اليوم انا متفيجه وااااااااااااايد

فقلت بنزل هالموضوع كتسليه لي ^_^

راح اقبل اول 10 طلبااات

واذا عيبنكم السالفه بنزل موضوع ثاني بعدين هههه << طيبه لاه ^_^

يلا يا بنات شو تبون تشوفين من زهبتي ؟!؟!

اول 10 ردود راح انفذها<<< لا تكثرون كل رد الطلبات تكون فيه اقل عن 4 طلبات

حياكم

الصور تبتدي من صفحه 3 و 4 و 6
وصفحه 13