التصنيف: دليل العروس

ادري اشتقتووووولي خخخخخخخخ منزمان مابين القمر بينكم صح >> تبى تشوف غلاها مب عارفه شتقول المهم خلونا خواتي من هالرمسه الزايده ..عن اصدع براسكم

{دخيلكم اللي بيقرا الموضوع يقراه كامل بليز يعني ,,! }

بس انا طرحت هالموضوع عشان شي واحد .. عشان شوي اخف من هالتفكير 24 ساعه .. وهالقلق النفسي اللي تعبني ..حتى خاطري ادق راسي بالطوفه بس خفت على اليداروالله كلمه منكم بتشجعني اكثر واكثر.. انا بقولكم بس اقروا اخر شي الكلام اللي بحطه لكم بالاحمر اوكي خواتي ..

خواتي شوفوني واسمعوني عدل..انا بملج باذن الله .. الله يتمم على خير المهم خواتي جاسني قلق فظيع بدرجه ماتصوورونها وتفكير يشتغل 24 ساعه ,, حتى اني اصلي واقول يارب بس
مابى افكر حتى ساعات اردد الحجي براسي وبعدين اقول خلاص مابعيد الرمسه .. اصلي واصيح والله .. مادري انا غبيه والا غبيه وفي كلتا الحالتين غبيه ؟! .. االمهم … انا خواتي قايله مابى احطي اغاني بملجتي ولا بعرسي { بإذن الله لو كنا من الاحياء } لاني قايله بخاطري ..
الله هداني هديه كيف اعصيه باغنيه >> عاشت الشاعره هع .. انا حاطه هالشي في بالي
ومابى أبدا حياتي باغاني ..رغم اني بخاطري احط اغاني بس انا قايله هالشي.. صح اني مااسمع اغاني بس مش من النوع اللي متشدد يعني مثلا { عادي اروح اعراس بيها اغاني يعني عادي اروح حتى لو الناس محطين اغاني مش مشدده بس ماسمع لاني ماسمع > جواب شافي خخخ }. . .

بس احين شوفو حالتي

ييني تفكير زين يقولي : احسن لج لاتحطين اغاني وابدي حياتج في شي خير صحيح ان ماشي شي يربش بقووو وبزياده شرات لاااغاني بس ييني التفكير يقولي الله عطاج ع قد نيتج شخص حسب مواصفاتج المطلوبه بالظبط كيف انتي يوم عطاج الرب نعمه .. تردين هديه الله تعالى بمعصيه وباغاني .. !! ليش ماتشكرين ربج تحطين طيران وجيه ..

بس مثلكم عارفين الاغاني غير الطيران والاغاني اربش وكل ما اذكر الاغاني اللي سامعتها اتحسر داخليااااااا واقول وابوي وين هالاغاني مابتنحط خساره ..!…

ييني تفكير شين يقولي : يافلانه.. غيرج الله عطاهم من الخير وحطوا غاني والله بعده منعم عليهم ,,
انتي ليش ماتحطين ؟!! شو يعني لو حطيتي اغاني؟؟ بتستانسين وبيستانس الكل { بغض النظر عن بعض العايلات الملتزمه اللي بتحظر الملجه} … بالعكس ربشه وهذا عرس.. واذا انتي تقولين في خاطرج كيف ارد الهديه باغنيه ومعصيه وتخافين الله يحرمج من هالشي دامج عصيتيه..ترا غيرج يسمع اغاني.. ويسوون بلاوي…ويظهرون ويردون بلبس عاري… واخلاقهم دانيه …..
ويسمعون اغاني 24 ساعه .. وووووو يرتبكون المحرمات وللحين عايشين حياتهم باحلى ما يكون وماحرمهم الله ….ولو انحرموا جان هم انحرموا بالاول { لاتنازعوني بس هالتفكير ييني وذابحني } …
وهالشي يى على ملجتج وعرسج على الاقل انتي مب شراتهم.. اانتي مابتعصين مثلا
الا على اغاني غيرج يسوي بلاااااااااااااوي الدنيا وهو في نعمه ….

بس تييني هالايه في بالي بعد هالرمسه :

{أَفَأَمِنَ الَّذِينَ مَكَرُواْ السَّيِّئَاتِ أَن يَخْسِفَ اللّهُ بِهِمُ الأَرْضَ أَوْ يَأْتِيَهُمُ الْعَذَابُ مِنْ حَيْثُ لاَ يَشْعُرُونَ }

وارتاااااااااااااااااح .. ويرد التفكير..!!

قسما بالله تعبت ,, انا من اهلي ملتزمين وقايلين لي.. لو حطيتي اغاني مابنيي وبيني وبينكم
هذا مش سبب يخلييني اني ماحط اغاني بالملجه والا العرس

السبب هو شي واحد

,

اعيش صراع داخلي
ومب قادره اركز بشي …!!

تخيلوا يجتمع تفكيرين مره وحده .. مره حد يقولج حطي وناسه وربشه ويذكر لي هالشغلات ..
ومره اقول لا لا انا صحيح اني ماسمع اغاني بس الله عوضني بهالشي كيف انا اعصيه !!

انا مقتنعه بالشي الثاني كيف ارد الهديه بذنب !!
بس شو الليي يسكت تفكيري..!! حتى اني قمت امشي وارد واتحرك على كلام انطقه بلساني !!
اقعد ارمس عمري اقول

والله محد بيسانس بعرسي ,, ومحد مادري شو ,, !وكيف بعيش الجو بهالشي؟؟؟

وبنفس الوقت يظغط على ااعصابي شي ثاني ,, كيف اني احط اغاني واستانس
وارد هديه الله بوناسه ساعتين واكثر ..!!

محد بيحس بهالشي الا اللي مار فيه

طلبي منكم

ابى تخبروني عنكم .. منو حطت اغاني وندمت ؟؟!! شجعوني بكلمتين !! انا اقدر احط اغاني
واللي يبى ييي ييي واللي مايبى يي ترى ملجتي والا عرسي باذن الله بيتم من دون نقصان عدد حد ,,,!!! يعني حتى لو مايوو
صح بحز بخاطري بس بيتم الملجه ..لان المطوع مابياخذ شورهم يوم بيملج !!

بس ماابى ,, انا واثقه ان الرب سبحانه اكرمني بهالشي
كيف ارد المكرمه باساءه ,,!!

رغم ان الاغاني وناسه في الملجه

{ العرس محلول امره دي جي اسلامي والزفه بنحصلها وبنشتريها نهي مشكل },,

بس الملجه دورت لي وحصلت كذا شي بس احسه مب هذاك الزود وكل مااذكر
الاعرااااااس اتحسر من داخل وفجاه ينقلب تفكيري واقول لالا خلي الحسره
اكيد الله بيغنيني عن هالشي ,,,

أووووووف جد تعبت

القرار: مابحط اغاني لاني مابى احط

أدري بتقولون دامج مابتحطين شعنه حاطه هالموضوع بقولكم شي واحد

شجعوووووووووووووني لاني من النوع عادي التفكير يتغير بسرعه وينجلب
وبردودكم بتشجع اني ابعد الحرام عن هالليلهـ.. بردودكم بحس ان هالعقل
اللي مب راظي يوقف تفكير انه يوقف تفكير لو لحظه ويفكر بعواقب هالشي..
يمكن ردودكم تشجعني وحد مر عليها هالشي وتمنت ماحطت اغاني بعرسها

كل شي جايز

رغم سخافه المووضوع .. مابى منكم الا دعاء الله يوفقني يارب ..
ويهدي تفكيري الغبي اللي مب راظي يوقف

كلها وساوس ابليس ويسمى هالشي قلق
حرام اتعب نفسيتي حرااام اتعب نفسيتي بهالوقت

يعني كل مابى استانس بشي لازم يي شي ثاني ويخرب خخخخخخخخخخ

: )

فداعه اللهـ