التصنيف: الحياة الأسرية

مرحبا خواتي شحالكن ربكن بحير
خواتي حبيت استفسر عن حليب الفرش لليهال
ولدي عمرة سنة وشهر يعني اسنانة طالعة اربع فوق واربع تحت فديته
وحابة اشربة حليب طازج
فحبيت اسالكن خواتي هل مناسب بهالعمر ع العلم يرضع طبيعي
يعني في اليوم اعطية ع الاقل مرضعة وحدة
فهل يناسب هالعمر اعطية ولا اصبر علية بعدني شوي وإذا بعطية هل في شي ممكن اضيفة له عساس يشربة ولا بس جية اسخنة وشربلة أياه ياليت اتساعدني خواتي

السلام عليكم بنات
شخباركم ان شالله كل اموركم تمام وبخير

المهم بنات انا ما عرف اذا تحديون موضوعي عن تحديد موعد العرس مع اهلي
اهل العريس المهم ياجلون على كيفهم ويحددون على كيفهم ويتفقون مع اخلي على كلمة ولما خطيبي يكلمني يخبرني انه محدد موعد غير عن الموعد ايلي متفق مع اهلي فيه انزين ليش تسوي جي وشو السبب يوم اقله هالكلام عيب ولما لازم تخبر اهلي يقولي انا اقول هالشي بيني وبين نفسي ما في داعي اخبر اهلج انزين ليش تفكر يوم انت اعطيتي هلي كلمة …لا وبعد ايلي يقهرني زيادة انه اهله يريدون ياجلون العرس ويوم كلمو ابوي اتفقوا على تحديد العرس قالوا اوكي والحين يقولون بعد الملجة نحدد العرس انا شو اسوي يارب والله فيني قهر ونار احس انهم يلفون ويدرون شو الحل وياهم

وايلي يقهر زيادة ان حددوا كتب الكتاب على اخر شهر اربعة انزين يوم اكلم خطيبي عن الترتيبات يقولي على شو مستعجلة ولسه شي وقت انزين ما باقي الا اسبوعين ولا يمكن صدق انا ما ادري يجوز بعد انا مستعجلة والله يابنات فهموني انا غلطانه ولا صح كلامه وايد مستعجله ….

والله تعبت خلاص تعبت ماااااااااااعاد فيني اعصاب والله اني ادمرت نفسيتي اتحطمت ما احس عمري فرحانه ولا كبسوطة ساعدوني بنات شو اسوي شو تنصحوني الله يخليكم لاتحرموني من دعائكم …..

السلام عليكم ورحمة الله وبركاته

شحالكن خواتي .. ما بطول عليكن بدش ف الموضوع على طووول …

خواتي … أنا الحمدلله الله رزقني بأهل طيبيين وزوج حنون وقلبه كبيير وحبه غاامرني هو أهله وكل الناس الي حولي

أنا ريلي حالته المادية بسييييطة ..والحمد لله على كل حال . .ونا تراني بعدني بس مالجة .. بعدنا ما عايشين ويا بعض. . وألحين يبني قسم ,,, ومصاريف العرس ,,, انتن تعرفن شو يعني مصاريف العرس من زهاب وترتيب القاعة والأكل وقسمنا وأثاثنا

هو واااايد ماسك نفسه // لدرجة انه ما شرا حقه سيارة مثل العالم والناس .. اللهم عنده ذيج السيارة المتواااضعة جدا من سنين … وهو يقص من راتبه مبلغ عشان يوفر حق العرس ومن غير هذا داش كمن جمعية عشان يرتب حاله .. لأنه مايريد بعد الزواج نعيش بحالة مادية ضعيفة وما عندنا شي وكله ديون …

وكل أول شهر يعطيني بصراحة 500درهم وأحيانا ألف .. وفترة الأعياد والمناسبات يزيدني أكثر عن ألف ..

أنا لا أدرس ولا أشتغل والحمدلله على كل حال .

………………………………………….. ………………………………………….. .

مـــــــــشــــــــــــكــــــــــلـــــــتي هي :

كيف أقدر أوفر هذا المبلغ عشان يسدني ويكفيني شهر (( 500 درهم )) هذا أكثر مبلغ يتكرر ^^

…

وعشان تعرفن بعد ,, أنا اماية وخواني الصغار يطلبوني فلوس وأعطيهم ما أقدر أردهم وخاصة اماية تطلب مني مرات 200 أو 300 أو 100 درهم على حسب ,, وأحيانا أقل يعني باختصار يفدنها فديت روحها .. وأحيانا تردهن وأحيانا لأ .. بس يوم تردهن ما أقدر أخذهن أكره عمري ما أحب أخذ من اماية شي أحب أعطيهاااا بدون ما أخذ …

بس شو الحل أنا يالله يالله يسد مصروفي سبوعين وتم نص الشهر امبلا شي ولا فلس أحمر شرات ألحين ههههههههههه

….

شو الحل كيف أوفر مصروفي وأخليه يكفيني لين آخر الشهر

…
وآخر شي بخبركن كيف أصرف …

أولا كل اسبوع أو اربع وخمس وبدووووووووون احراااااج أشتريلي بطاقة دو 20 درهم ..

ثانيا كل يوم أو يومين أو ثلاثة أشتلريلي تسالي من الدكان شيبس كافي عصير يعني من هالسوالف ما يتعدن العشر دراهم ^^

وثالثا لأني أحب الطبخ اذا بغيت أسوي أكل حق البيت حق اليهال وأماية وابويه مثلا محشي أو كيك أو فطاير والى آخره .. ما أحصل مقادير الطبخة فأشتري مقاديرها شي من الدكان وشي من دكان الخضرة

ورابعا مثل ما قلتلكن اخواني وأماية يطلبوني فما أقدر أردهم

وبس ..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

فأرجوا المساعدة منكن حبيباتي

(((( مــــــــــــــلاحــــــــــــــظــــــــة : بعض الناس عندي يوم يعرفون كم مصروفي يستهزئون ويتمسخرون أو يحسون بالشفقة لييييييييييييييييش .. تحز فخاطري بدال ما يشجعوني على اني أساعد ريلي لين ما تتحسن حالنا لييييييش )))

أنا مـتأكدة انكن ما بتحسسني بهالشي
والسموحة طولت عليكن ^^

السـلام عـليكم ورحمه اللـه وبركاته

اتفقت معه على لعب مباراة لكرة القدم في الحديقة الخلفية لمنزلهما

وطلبت أن يحدد جائزة الفائز منهما

فسرح بخياله للحظة ولم يستطع التوصل لجائزة مناسبة وكالعادة طلب منها أن تقرر هي ما تشاء

وهو سينفذ كل رغباتها

فقد اعتاد منذ زواجهما أن يترك لها مهمة التفكير في تلك الأشياء على أن يتولى هو التنفيذ

لأن طبيعة عمله التي تعتمد على الأرقام لم تمهله فرصة التفكير فيما هو خارج ساعات عمله

استعدت بعد العصر وارتدت ملابس رياضية تناسب المباراة

وذهبت لحجرتهما تناديه

فتعلل بالارهاق فتعللت بأنوثتها

راوغها بذكائه فراوغته بدلالها

ثم أطبقت يديها على يديه وجذبته خارج الحجرة

مشى بتكاسل معها …. وخرجا للحديقة

وبسرعة أحضرت أربعة أحجار ووضعت حدود المرمى له ولها في أول الحديقة وفي آخرها

شمرت عن ساعديها ووضعت الكرة في منتصف المسافة بينهما

ونادت بصوت ناعم : ابدأااااااا

وركلت الكرة فطاحت بعيدا عن حدود الملعب الذي رسمته بقدمها

فوقع على الأرض من شدة الضحك

بينما ذهبت هي لاحضار الكرة ، وقالت له : سأفوز عليك

قال : يسعدني هذا

قالت : هيا العب إذن

أحضر الكرة وركلها بينما كانت هي قد اتخذت موضع الدفاع عن مرماها

سدد ضربة قوية نحو مرماها فتلقتها بيديها شاعرة بالزهو

كان يضحك ويتعامل مع الموقف بهدوء تام يفتقر للاهتمام

و بينما هو على هذه الحال

سددت هي ضربة قوية دخلت مرماه وأحرزت هدفا فيه

فتهللت أساريرها وانفرجت شفاهها عن بسمة عريضة ثم اتخذت مكانها بسرعة نحو المرمى

أحضر الكرة وقال لها : الفوز بالمباراة سهلا بالنسبة لي ولكني لم أهتم أصلا بالنتيجة

قالت : هكذا تعلل موقفك ؟

أثارته كلمتها فقال : سنرى حالا

ووضع الكرة في المنتصف وقبل أن يسدد الضربة أقبلت عليه و قالت له : حبيبي

نظر لها

فضربت الكرة وأدخلتها مرماه

وضحكت كثيرا ، فقال : ليس هذا عدلا

فقالت : خذ بثأرك إذن

قال : ثأري في الفوز وليس التعادل

قالت : اثنان للاشئ ، نتيجة ترضيني

قال : انظري ماذا سأفعل

قالت : في مباراة قادمة إن شاء الله أما أنا فتسعدني النتيجة

قال : أتنسحبين ؟؟

قالت : أنا الفائزة فكيف أنسحب ؟

قال : إذن أكملي

قالت : موافقة

وذهب ليضع الكرة مرة ثالثة في المنتصف ، وبينما هو منحنيا

قالت بصوت عال : آه

فنظر نحوها مفزوعا فوج دها تبتسم وجلست على الأرض

فأقبل نحوها

قالت : انتهت المبارة الآن ، هل تعلم بم فوزت عليك ؟

قال : نعم

قالت : بم ؟؟

قال : بـــ " بسمة و حبيبي "

قالت مبتسمة : هذه الحقيقة

قال : أنت ِ الفائزة ، وقد اتفقنا على جائزة ، تدللي .

قالت : لقد لعبت المباراة من أجل هذه الكلمة

ثم مسحت على رأسه وقالت : لا أريد إلا رضاك .

تبسم وقال : كلي فداك

نهضا من على الأرض واتجها للمنزل وتعلو وجهيهماإبتسامة رضا وحب

^

^

^

بصراحة المبارة عجبتني واتمنى انها تعجبكم انتوا كمان

تقبلوا تحياتي

السلام عليكم ورحمه الله وبركاته اشحالكن بنات وسيدات عساكن عل القوه خواتي انا عندي مشكله وانتو احكموا في النهايه
انا متزوجه وعندي بنت وهلي في العين اوكيه ويم مايكون ريلي في الراك اضرب خط جدا العين المهم خذت اجازه من الدوام عشان ((ابونا ))ريلي فهموا عنده زام في بوظبي ومنيه قلت بسير العين اغير جو عن الدوام والكراف طرشت الدريول قوم عمي يغسل البرادو عشان بسير المهم وقلت حق الشغاله اني بنسير العين س 3 الصبح الفير وتعالي عندي سوي نوم في الصاله لاني ماروم اسير غرفته واوعيها دامه عندي مب مشكله المهم نشت س 1 اصلي القيام واقرا نشت الشغاله علا صياح بنتي المهم شافتني اصلي وصلت القيام ورقدت بنتي سيارتي عند باب بيتنا قريب الملاحق المطبخ ورحت اشغل السياره شفت اخو ريلي احمد وعمره 23سنه يدش غرفه الشغاله
قلت بخاطري شو يسوي هذ عند الشغاله والحين س2 يارب استر وخفت قلت اسير اجوف شو يصير شو عنده يمكن يبى ياكل شي او شغاله مضيعه شي
شفت الشغاله لا بسه برومودا وستيان وسايره صوب الميلس واحمد وراها
معقوله جيه يسوي ولا في بيت عمي ويسلت اخاف ورحت البس عشان اريد اسير العين لاني روحي اسوق ما اخاف وماخذه الموافقه من ريلي المهم خليت الشغاله اتشل اغراضي واغراضها وتحطهن في البرادو وبالي عند احمد
ليش افكر فيه الحمد الله وصلت بسلامه للعين وخبرت الشغاله السالفه
قالت لي كل ويك اند يسوي جيه وهي اتحبه وايد اونه يوم يسير دوام تزعل وتفكر وايد تتريا اسبوع الياي عشان اتشوفه عشان امسيه الراقيه
وصدق بعد فتره شفته زعلانه يوم راح والشغاله اتقولي من سنه وياها احمد دايما تنام وياه عشان جيه شغالتيه قالت ماماه انا يريد حجره بروحي في بيت مال انتي ولاني انا طيبه مع شغالتي حتى يوم اسافر العمره اشلها وياي عشان جيه هي متاثره فيا ويم اقرا قران تقرا زيم ادعي زيم اصلي صلاه القيام في المسيد في رمضان تروح معي المهم خلوني من سالفه الشغاله الحين
اخبر ريلي ولا اسكت مايخصني لاني اخاف يفهمني غلط ومشكورات لاني هذا زنا وانا ماريد بيت عمي يتوصخ ولانه من يزني يزنى به ولو بجداره
بس شغاله قالت لي ماما مايسوي تدخل بعدين بابا زعلان والحين اريد شوركم

مرحبا شحالكم يا امهاااات انا ابي مساعدتكم
انا عندي ولد عمرها الحين 7 سنوات ولين الحين ما يمشي يبته على سبع شهور وتعرض يقوووولون لنقص الاكسجيين في الحضاته وهو الحين على العلاج الطبيعي الحمد الله حالته زينه هو ذكي كل شي عنده زين بس المشكله المشي الاعصاب عنده مشدووووده وفي ايدينه بعد
بس الحين مشكلتي الكبيره الحين هي المدرسه ما اعرف وين ادخله المدارس الخاصه لذوي الاحتياجات احس ما اقدر لانه حالته عاديه وهو اصلا يخاف يروح هذي المدارس انا دخلته مدرسه خاصه بس اخر شي قالوولي حرام ولدج يتم عندنا لانه هو عنده مشكله في الكتابه يبيله وحده عنده تهتم فيه في الكلاس والحين هو يالس في البيت قالولي في مدارس خاصه نفس حالة ولدي ولدي الكلام وكل شي عنده اوكي بس المشي والكتابه احس يباله اهتمام خاص
واتمنى انكم تساعدووووني اذا تعرفون مدارس خاصه مثل حالة ولدي وجزاكم الله الف خير هو الحين يالس في البيت ما اعرف وين ادخله احس اني دووم اكون متضايقه يوم اشووفه يالس وكل اليهال يسيرون المدرس احس حرام مستقبله بيضيع

مرحبا بنات و سيدات و مراهقات و كل شي ،!
اشحالكم ؟!
بغيت اسألكم بس عن تنزيلات بيبي شوب ؟!
متى بتكون ؟!!
و شو من محلات الاطفال الي مسويه تنزيلات الحين !
(اقصد النيو بورن يعني) ~

ثنكس ^^,