التصنيف: دليل العروس

خواتي ابي اسال متى معرض العروسة في:
بوظبي
دبي
الشارجة

:22 (3):

هالتقرير اهداء حق تجمع عروسات المستقبل

ملجتي كانت تاريخ 22-9-2017 يوم الاربعاء

يوم الثلاثاء

في الكولج اتصلت اختي فيني وقالت ترا ملجتج
باجر واول ماترجعين من الكليه بنروح نتحنى قلت حقها اوكيه
رجعت من الكليه تميت احف ريولي شفت الموت ورحت اتحنا ع الساعه 5 ورجعت الساعه 8
الله يهديها اختي ماخلتهم يحنون ريولي من من تحت قالت هاي بطول لين تنشف
قالت يوم بروح البيت انا بحط عليها يعني بس كانت محنايه من فوق وتحت مافيه شي
وصلت البيت وطبعا مدوووخه مديت ريولي ورقدت وحنتني

يوم الاربعاء

رحت الكليه عندي دوام ورجعت طرشت مسج حق حرمت اخوي وقت حقها متا بيي اللمطوع
قالت عقب المغرب واول ماوصلت بدلت وطبعا وع العصر رحت اسوي شعري اختي ودتني معا ريلها وماطولت رجعت بسرعه واول مارجعت رحت اتمكيج ماسويته في الصالون لانه شي حفله عقب بنسويها كنت ابا اطلع عاديه عشان اكون غير في الحفله المهم عقب قامو الحريم ايوم حريم العايله وماشاء الله يدام البيت امتلى سيايير وعقب زقروني وقالو حقي البسي عيابتج بسرعه ترا اللمطوع يا وبسرعه لبسة عبايتي ونزلت ويلست ويا اللمطوع وطبعن ملجت وعقب دخلت الصاله الداخليه وقامو ايباركون حقي ورحت فوق ع طول بدلت ولبسة كندوره شرات الفراشه هو كان مال صباحية اختي بس انا ماكان عندي وقت اروح اخذ حقي شي اتصلت في اختي وقلت حقها يالله تعالي عشان انزل ونزلت ويلست في الصاله وقامو اينثرون علي عاد هني انا اخاف حد يطيح علي وقامن الحريم يتعشن
وانا يالسه اطالع بس فديتني اونه ايقولون تبين انحط لج في صحن شو هالغباء يعني معقوله عروس واقعد اكل معاهم عقب خلصو وحطو اغاني وعقب دخلو المعرس دخل معا ابوه واخوي اللي توه متخرج اخوي العود كان بيدخل بس الوالد مرض علينا ووداه الهوسبتل ولا هو مايفوت هاللحظات
عقب وقفت انا ووقف عدالي وقامو اينثرون علينا ثنيناتنا عقب يلست حليله من المستحى يرتجف كنه حرمه وانا احس نار يطلع مني لووووول عقب يلست وهو ايرمسني وانا خلااااص بمووووت مستحيييييه عقب قالو يالله قومي عشان نقعد بروحنا شوي وانا ماريد اقوم لاني مستحيه ماريد اقعد معاه بروحنا بس امرنا لله قمت وقعت معاه وهو يرمس وانا اطالع جدام ما اطالعه ولااجابات وااااايد مختصره وكله ساكتين وعقب يت حرمت اخوي وقالت يالله خلاص وجيه وسلم علي وطلع وكل الحريم راحو الا امه وخواته وام حرمت اخوي وبيت الجيران تمووو لانه تقريبا ها كله خلص ع الساعه 10:30 يلست عندهم شوي وانا ميييته من الحر ومستحيه اقوم واخليهم لاني كنت تعبانه ناشه من الفجر اخر شي قمت وسلمت عليهم ورحت بدلت وع طووووول رقدت مانشيت غير الساعه 4 وشي شبعانه ارقاد

والحمدلله عدى هاليوم ع خير

السلام عليكم ،رحمه الله وبركاته

شحالكن فديتكن عساكم بخير

فديتكن حبيت أحط هالموضوع عشان نتساعد بتجهيز الزهبه

أباكم تساعوني وتساعون البنات اللي يتزهبن حق عرسهن

أباكم تخبرنا عن اغراض اللي شريتوها ومن اي محل وياريت تحطن الأسعار

يعني مثلن العبي الجلابيات المغربي والشباصات والأكسسوارات والمخاوير والنعول والدخون والشنط والمكياج ….. الخ

وشوه خذتن من عند الحريم اللي اين البيوت

بنات اذا عنكن أرقام حريم يبيعن جلابيات فخمه وبسيطه وويبيعن شباصات وقطع ودخون اللي عندها اطرشلي على الخاص

وبالله نبا تفاعلكم
*وان شاء الله نستفيد من بعضنا
وانا ان شاء الله يوم أتشرى بخبركم بمشترياتي *

اخواتي حد يعرف منو يبيع دخون فوالة في ابوظبي……………..:22 (22):

مرحبا

بنات انا عرسى فى تاريخ فى اول شهر 8 وحجزت عند ريحانة للمكياج وعند ايمى للشعر شو رايكم

وابغى اعرف ومن وين اخذ مسكة لى ( باقة ورد من محلات دبى )

احسن واحد للورد وين يكون ؟؟؟؟

وبالنسبة للفستان متى لازم اروح احجز انا ما عندى فكرة ؟؟؟؟ خواتى يجولون لى علىلا بداية شهر 7 وانت شو رايكم

السلام عليكم خواتي. بغيت أسألكم وين ف الشارجه استوديو تصويره حلو ومرتب للعرائس

هلا خواتي وين احلا مكان يسوي كوشات حق الملجه او جربتوه يكون في بوظبي بس