التصنيف: ادارة المنزل وتسييره

هلا فديتكن
لو سمحتوا ممكن نساعد ..وكل وحده تذكر وتساعد اختها ..عن المحلات الحلوه والغاويه يلي تبيع اواني المنزليه ..من اطقم الدلل وتقديم وغيره ..عسب رمضان والعيد على الابواب .
كان المحلات تنزيلات او غيره ..عسب كل وحده تستفيد من غيرها ..مع ذكر الاماره
وان شاء الله ما نقصر في بعض ..
ويزااااااااااااكم الله خييييييييير

اشحالكن

خبيرات الديكور

عندي ميلس وفيه زاويه كنت ابا احطي مجموعة حصى مثل اليدار الصغير وابا الصقهن في بعض والونهم، يارييت تعطووني الأفكار وشو نوع الصبغ اللي لازم استخدمه

اسميني متوهقه

بس ماشاء الله هالمكان يفتح المخ

CENTER]السلام عليكم يا صبايا المنتدي

شخباركم

الله يسلمكم بغيت مساعدة منكم بخصوص البيت

نحن انشالله بننتقل بيت يديد بس بعده مرحله الديكور بنبدأ حاليا

فأنا قلت هالفترة اتشري بعض الاغراض وخاصة سوالف المطبخ وغيره

بما أني ساكنه فبيت اهل ريلي وماعندي مطبخ خاص كبير جست صغير للتحضيرات،،، اللي ابغيه منكم اتجاوبوني حبايبي؟؟

شو احتاج تحضيرات للمطبخ من A to Z؟؟

نحن عايله تتكون من 4 اشخاص

فهل احتياجتنا نفس العايلة الكبيرة ولا مافي داعي اكثر من الاغراض؟؟

وعندي مطبخين واحد فوق صغير والثاني الكبير تحت

وسوال اخير اتحملوني

عادي اشتري من احين ولا موضة الاغراض تروح وخاصه للمطبخ؟؟؟
يعني حق 6 شهور تقريبا انشالله

لان ابغي اخلص مابغي اضغط عمري ابغي كل ماشوف شي حلو اخذه ع الرحات

وبليز لاتحرموني من ردودكم الحلوة

من يوم الي انتقلنا بيتنا اليديد و النمل ذابحنا في كل مكان منتشرين , في المطبخ في الصالة و حتى في الحمام !
مرة ارش زعتر و مرة سمسم و حاليا ريلي رش قرفة في الصالة و الحمام !

مادري شو الحل ؟
حد منكم يعرف الحل

يالشطورات شو عندكم أفكار للتوزيعات حق طالبات المدارس بفكرة عجيبة وكلمات حلوة لا تبخلون علينا وبنسويلكم دعاية مثلا اذا عندي عبارات فعلى شو الزقها برايكم

السلام عليكن بنيات

عندي طلب صغنوووني

اللي عندها صوره لغرفة نوم بيسان اخت سمر في مسلسل العشق الممنوع تسدحها هني بليييييييز

ابي صورة الغرفه ضرووووري خاااصه صورة السرير

لاني دورتها بالنت ماحصلتها >_<

واتمنى موضوعي مايكون مخالف

……………

اشترينا ثلاجة من jet cool حلوة تقريبا مثل هالثلاجة

ما لقيت غير هالصورة في الانترنت…..

بس ثلاجتنا خاصة بالخضار ….

…بس مشكلتها انها تسوي جليد او ثلج ..في الخلف من الداخل بس بغيت اعرف ليش ….

الي تعرف منكن …تخبرني …