وبهدلتني بشكل فضيع كل ما تكبر اتعبني زيادة
هي من النوع الي يمل بسرعه
وتباني بس أكلمها واشلها
ما اقدر اسوي اي شي في البيت أبدا
لو رحت المطبخ بطبخ احطها فالمشايه تيلس تلف وادور 15 دقيقه
وعقب تبدأ تمل وتصيح صياح وكأن حد مصفعنها
وما ترضى تسكت شو ما اسوي لها
واطر اهد شغلي في المطبخ اخلي الدياي الي ذاب والبصل والطماط
الي قطعته والله حرام أخليه جذا
واشلها واحاول ارقدها وما ترقد وبعد مايمر وقت الغدا وايي ريلي
من الدوام عقب تتفيج ترقد حضرتها
وثاني شس ما اقدر اسوي شي حق نفسي نفس الشي بعد تصيح
وخاصة لو ييت بكوي الثياب تصيح صياح مب طبيعي بتموت
ولا تباني أوقف
وحتى لو يلست وياها وطحت حذالها
برتاح شوي وهي تلعب ماااااااااااااااااااااااشي فايدة
أتم تصيح عند راسي تباني اعطيها ويه واشلها
والله أني تعبت وياها دخيلكم خبروني شو الحل
تراني اشتري لها ألعاب وماتباهم بس تتحمس اول 5 دقايق وعقب ماتباهم
وحتى التلفزيون مال 10 دقايق يعيبها تشوف وعقب تمل وتقوم تصيح
تباني
أكيد حد مر بها لنوع من اليهال
شو الحل وياهم كيف اخليها تهدا وتخليني اشتغل
