اليوم نزلت هالموضوع ابوي مساعندتكم ان شاءالله ملجتي جريبه انا مب حابه اني اسوي حفله لاني كنت مسويه حفله خطوبه وسويت حفله كبيره صح كانت فالبيت بس ويت كوشة وفستان وميكب وتوزيعات نحن جي عاداتنا يعني ف الخطوبه لازن نسوي حفله لكن بما ان الملجة وبعدها بكم شهر بيكون العرس انا مب حابه اسوي حفله ملجة كبيره فكرت بس اخبر خواتي وحريم خواني وخوات ريلي بس وبسويها فالبيت وبما انه هو بيدخل عسب يلبسوي الشبكة انا قلت بخذ فستان خفيف ووبحط ميكب وايد خفيف لان بين الملجة العرس فتره بسيطة وانا مب حابه اسوي كوشة وعفسة اباها وايد بسيطة بس ابي اسوي بروحي شرات الكوشة وتكون وايد بسيطة انا عندي كرسي فالبيت بس مب عارفة الخلفيه كيف اسويها يعني الي عندها افكار او هي مسويه حركة بسيطة ياليت تخبرني او الي عندها صوره تحطها هني او اطرشها لي عالخاص ادري طولت عليكم لكن والله مليت وانا افكر بسالفة الجلسة عندي اشياء ثانيه ابا اخلصهم
مشكورين مقدما ..
ودعولي الله يتمملي على خير
